فتيس 406 - مصر موتورز

AHMAD REZQ · 10-02-2010, 12:29 PM

عندي 406 مو 2001 اتوماتيك فيها مشكلة في الفتيس عاوز واحد استيراد و مش عارف اجيبه منين

و لو ركبت واحد مانيول كويس و لا لأ --
لقد تم قطع باقى الموضوع لمشاهدة بقيه الموضوع اضغط للتسجيل

إضغط هُنا للتسّجيل

AHMAD REZQ · 10-02-2010, 01:17 PM

هفيش حد يرد يا جماعة

Nour_peugeot · 13-02-2010, 04:18 AM

كويس جدا جدا

بس اعمل حسابك انك هتعدل في الدويات الجوه عشان تقلبها مانيوال

mercedes · 13-02-2010, 10:00 PM

السلام عليكم و رحمة الله و بركاته

بما أن سيادتك تمتلك سيارة بيجو 406 فعلا , كنت عاوز أسأل سيادتك عن المميزات و العيوب اللى فيها, ده طبعا غير موضوع الفتيس الأتوماتيك لأن الظاهر أن الاتوماتيك مشكلة فى كل البيجو , لأنى أتدكر أنى مرة كنت سألت العفشجى بتاعى عن ما ادا كان ممكن أقلب العربية البيجو 505 مو 80 أتوماتيك ,فقالى ,اوعى !!!!!!

و أنا حاليا عاوز أبيع البيجو ال 505 موديل 80 اللى معايا و أشترى واحدة بيجو 406 مو 2003 و طالع .

فغير موضوع الفتيس ,ايه عيوبها و ايه أخبار قطع الغيار؟؟؟؟

شكرا و جزاك الله كل خير

kareemkhattab · 26-04-2010, 08:09 AM

انا بردو عندى نفس المشكلة وفى نفس الموديل بس ممكن اعرف بالظبط ايه المطلوب علشان اعمل التعديل من الاوتو الى المانيول ؟ يعنى اجيب ايه الفتيس والكنترول والضيفرة بس ولا فيه حاجات تانى ممكن تتغير

didoo343 · 26-04-2010, 09:19 PM

يا جماعة الحل بسيط ركب فتيس اوتو ماتيك بس يكون موديل 2003 او اكتر لان من 2001 الى 2002 بة مشاكل وتم تعديلها 2003 واللة اعلم ( واسئلو اهل الزكر ان كنتم لا تعلمون ) وشكرا

mahmoudnada80 · 28-04-2010, 04:02 AM

عايز تعدل الفتيس الاوتو الي مانيوال ممكن بس مكلف شويه بس احسن بكتير يعني حتحس انك راكب عربيه تانيه
اولا لازم تجيب فتيس
بالدسك والاسطوانه
والفولام (ترس الحدافه )
قاعده فتيس
تغيير القنطره ب2 تيش ميزان
طقم بدال
عصايه فتيس بعدد 3 تيش عصايه
2 كوبلن
وشويه حاجات صغيره
انا كان معايه واحده موديل 2002 و الفتيس اتحرق مرتين وقلبتها مانيوال كلفت حوالي 8500 بس بقت عربيه حكايه
انا اعرف واحد كويس ممكن يعملها لو حبييت

محمد زعتر · 28-04-2010, 01:30 PM

ممكن تجيب فتيس المجان 2005 و تركبة علي 406 و ارخص
و كل مراكز الخدمة بتعمل كدة

TOOLA · 21-06-2010, 10:44 AM

اقتباس:

المشاركة الأصلية كتبت بواسطة محمد زعتر

ممكن تجيب فتيس المجان 2005 و تركبة علي 406 و ارخص
و كل مراكز الخدمة بتعمل كدة

ده ينفع فعلا؟؟؟؟؟؟؟؟؟

gtr · 03-07-2010, 07:26 PM

بالنسبة لتغيير الفتيس غلى عادي بهذا ممكن و لكن له آثار سيئة في لوحة العدادات.
احسب حساب أنك حتغير العدادات و الفرامل و الكمبيوتر و أشياء تانية.

خذلك فتيس 2003 زي ما قالوا الشباب (و هم أخبر) لأن ما فيه مشاكل.

بالنسبة لتوليف فتيس رينو ميجان ما سمعتها من قبل! أكيد البرمجة مختلفة و لا يناسب كمبيوتر البيجو.
و لا لأ يا شباب ؟؟؟؟!!!!!!!!!!